اليوم هو الأربعاء سبتمبر 19, 2018 2:53 pm





10 مواضيع

اقتراح للاخ جوان :)   ::.::   : صاحبة القلب القاسي    ]          اعرف شخصا يعرف شخصا..   ::.::   : صاحبة القلب القاسي    ]          اتحدى يكون في حدا موجود هههه   ::.::   : صاحبة القلب القاسي!    ]          حلف الناتو الشيطان الملعون   ::.::   : noeeleesa    ]          العلمانية العلاج الوحيد لامن واستقرار الامم والشعوب   ::.::   : noeeleesa    ]          اشتقت لكل شي بهالمنتدى   ::.::   : طه عبدي --شراع مسافر    ]          والله اشتقنالكم   ::.::   : ابوزيد    ]          لو كانت الحروف نهراً لعبرته   ::.::   : اراس    ]          قناعة الروح   ::.::   : اراس    ]          عندما تعمل المؤسسات الصحية الانسانية متعمدة ضد الانسان لصالح   ::.::   : noeeleesa    ]         





إرسال موضوع جديد الرد على الموضوع  [ 13 مشاركة ] 
 بتتذكروا 
الكاتب رسالة
المشرف العام
المشرف العام
صورة العضو الشخصية

اشترك في: الجمعة نوفمبر 24, 2006 7:52 pm
مشاركات: 3921
مكان: دمشق-ألمانيا
مشاركة بتتذكروا
بتتذكروا

إيميل وصلني..و عجبني لأنو بيذكرني بشغلات بحبا

بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع. :pins:

بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر.. :very cry:

بتتذكروا… المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك. :oohhh:

بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله
وبعدين نحطو بطاسة مي أو بالمغسلة وناكلو عم يشرشر. :boshar:

بتتذكروا.. يوم الجمعة … ‏نقوم من الصبح مشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب . :tasfeer:

بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل. :telphone:

بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك. :tasfik: :!:

بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة. :arrow: :very cry:

بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة.. :tasfik: :egypt:

بتتذكروا.. عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات. :D

بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا… :evil:
يقول لك: مو رصيفكن هادا رصيف الحكومة :twisted:
كلام منطقي, ‏ويتم يمرق قدام البيت ويقول لك مادخلك. :hummer:

بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله. :hlahl: :)

بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن. :nishnko:

بتتذكروا…لما نشيل الطراريح والشراشف ونعملهن خيم …أو ناخذ المخدات الكبيرة ونعملهن بيوت. :roll: :happy2:


واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام :twisted:
أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..

أول ما يفتح التلفزيون بتلاقيه يتفرج ع هيفا ونانسي وروبي

وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس
وأم عمار ببرنامج ما يطلبه الجمهور
وعصمت رشيد يغني بين الشوطين
ويوم الجمعة سيران والله أيام


للأسف صار الجيل الجديد بلا هوية
بتذكر منيح الساعة, افتح يا سمسم, المناهل, و خربوط معو جهاز تحكم كان يدحش فيه شي تلاتين بطارية و أبو الحروف كان يجي مشان يرجع البطل لحالتو بعد ما كان صار بصل بفعل خربوط, قصص عالمية, في جعبتي حكاية, هاد غير عرض الوقائع و بالخلفية شلالات تل شهاب…
:victory:

_________________
صورة
كل طبخة سياسية في المنطقة، أمريكا تعدها، وروسيا توقد تحتها، واوروبا تبردها، واسرائيل تأكلها، والعرب يغسلون الصحون ©


الجمعة مايو 08, 2009 12:52 am
يشاهد الملف الشخصي
عضو ممتاز
عضو ممتاز

اشترك في: الخميس إبريل 16, 2009 3:16 am
مشاركات: 213
مشاركة Re: بتتذكروا
رجعتني 30 سنة لورا شكرا للموضوع بس نسيت شغلة كلياتنا ساويناها علبة الحلاوة
وخشبة واوتار من فرام بسكليت نعملها طنبورة ونصرع فيها الاهل على معزوفة وحدة طول اليوم


الجمعة مايو 08, 2009 1:15 am
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الأربعاء مارس 18, 2009 6:37 pm
مشاركات: 881
مكان: هولندا
مشاركة Re: بتتذكروا
اي الله على ايام زمان والله الها وحشة :cry: :cry: :cry:
وانا كنت عم اقراها و عم اضحك لانو تذكرت ايام الولدنة :D :D :D

_________________
Mira Hlbestvana


In The Dew Of Little Things The Heart Finds Its Morning And Is Refreshed


الجمعة مايو 08, 2009 8:26 am
يشاهد الملف الشخصي
عضو نشيط
عضو نشيط
صورة العضو الشخصية

اشترك في: الأحد ديسمبر 21, 2008 12:15 am
مشاركات: 22
مشاركة Re: بتتذكروا

:cry: :cry:
اي نحن الي بنتذكر
الله عليك جوان احلى ايام :)

_________________
ليت للذكريات حجاب يخفيه لعلنا ننسى .. جرح حبيبا هجر أو ألما أتى به القدر
ولكنها ، هكذا تبقى ليستمر نزيف الجروح .. وليستمر الإبداع !!

فعندما ترى الإبداع في صورة كتابات رائعة .. تأكد بأن هناك جرحاً لازال ينزف


الجمعة مايو 08, 2009 12:53 pm
يشاهد الملف الشخصي
مراقب المنتدى
مراقب المنتدى
صورة العضو الشخصية

اشترك في: الجمعة يناير 05, 2007 10:33 pm
مشاركات: 902
مشاركة Re: بتتذكروا
:cry: :cry: :cry: :cry:
ايام حلوه كانت

ايام بنيشتي كروفر ( العلكه المدوره)

:mrgreen:

_________________
صورة
الذين يعتقدون بأن المال هو كل شيء ، يعملون من أجله أي شيء


الجمعة مايو 08, 2009 1:23 pm
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الخميس إبريل 02, 2009 10:46 pm
مشاركات: 1415
مكان: قامشلي- السعودية
مشاركة Re: بتتذكروا
اي والله نتذكر اشياء كتيرة ونحن صغار

_________________
كلما ازداد حبنا تضاعف خوفنا من الاساءة الى من نحب


الجمعة مايو 08, 2009 3:32 pm
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الجمعة يناير 02, 2009 3:52 pm
مشاركات: 1229
مكان: بعيد عن أرض الوطن
مشاركة Re: بتتذكروا
تتذكر أيام اللي كنا بالابتداني كان اللي يشتري
مصاصة يمررا عالاولاد اللي حوالي كلا وهنن
على قولة مصة مصة مصة
يعني (مصة لكل واحد )
ولا ايام الحارة اللي كان ايام يسير
موسم الكلل تشوف الاولاد كلا يمشوا
وهنن يخشخشوا من صوت الكلل
وبعدا موسم الصور تشوف الواحد
ما يطلع من البيت الا ومعو 50 صورة عالاقل
والمختومة اللي كان تنباع ب25 ليرة على هدوك الايام
وموسم الراكيتات والبارومات وموسم دق جراس الحارات التانية
وغيرا مواسم كتير
حتى كان في موسم خصوصي للبنات
وهوي موسم المطاط
اي والله ايام حلوة
شكرا الك جوان

_________________
صورة


السبت مايو 09, 2009 3:13 pm
يشاهد الملف الشخصي
عضو سوبر
عضو سوبر

اشترك في: السبت ديسمبر 15, 2007 6:32 am
مشاركات: 5435
مكان: المملكة الاردينة الهاشمية
مشاركة Re: بتتذكروا
ايه والله ايام ما بتنتسى
ايام السكر الملون اللي بيكون متل الشريط وفيه كل الالوان
ايام اللي مامان في بامبرز :oops: لما كنا نعملا وامنا تنشر الدوشك عالسطوح وتبقى الفضيحة بجلاجل :hlahl:
ايام الدقة المعباية باكياس ( الدقة تبع القضامة )
وللي من القامشلي كان في واحد عجوز كان يبيع حمص مسلوق اول ما كنا نسمع صوته نركض ناخد مصاري او نفتش بجيب ابونا عالفراطة وناكلو برة ونرجع عالبيت نتخبى ورا الباب خشية من القتلة :roll:
ايام لما كنا نعمل دقة نعناع وكزبرة وكمون
ايام الخطة والحبلة والعطة عطة
ايام لما كنا نطلع مشوار مع اهالينا لبيت حدا ناكل قتلة بالبيت قبل الطلعة ( مشان اللبس والعنطزة وما بدي البس هادا ولبسيني جواربي واين راحت خفتي ) وقتلة بعد الطلعة ( مشان الجلاقة ( عدا عن القرصات اللي اكلناها ونحنا ببيت العالم :read:
ايام لما كنا نشتري القصص الزغيرة المكونة من اربع خمس صفحات وملونة ونعمل حالنا تيتة على اخواتنا الصغار ونحكي نفس القصة كل يوم لبين ما نشتري قصة جديدة :arrow:
:boshar:
ايام كان ما يطلبه الجمهور برنامج ماما المفضل وايام لما كنا نسجل الاغاني من الراديو ونفكر ننسخو ونبيعو :smok:

ايام حللللللللللووووووووووووووة وما باعتقد انها تنعاد :roll:

_________________
صورة

المرأة:هي لوح من زجاج شفافإن مسحت عليه برفق زادت لمعتهترى فيه شيء من صورتك وكأنه يخفي صورتك داخله .إن كسرته يوما يصعب عليك جمع أشلائه...وان جمعته لتلصقه بانت ندوبه.وفي كل مرة تمرر يدك على الندب ستجرح يدك!


السبت مايو 16, 2009 12:10 pm
يشاهد الملف الشخصي
المشرف العام
المشرف العام
صورة العضو الشخصية

اشترك في: الأربعاء سبتمبر 26, 2007 1:25 pm
مشاركات: 7952
مكان: Riyadh-KSA
مشاركة Re: بتتذكروا
اقتباس:
وللي من القامشلي كان في واحد عجوز كان يبيع حمص مسلوق

اييييييه ياووو هاد بقدوربك كان كل ما نروح لبيت جدي نشتر من عندو :mrgreen: :mrgreen:

اقتباس:
عدا عن القرصات اللي اكلناها ونحنا ببيت العالم

اوهووووووووووو لا تحكي عالقرصات لهلا معلمين على ايدي واجري :cry: :cry:

اقتباس:
ايام حللللللللللووووووووووووووة وما باعتقد انها تنعاد

ايه والله للاسف :arrow:

_________________
صورة


السبت مايو 16, 2009 3:41 pm
يشاهد الملف الشخصي
عضو ممتاز
عضو ممتاز
صورة العضو الشخصية

اشترك في: الخميس يوليو 29, 2010 2:22 am
مشاركات: 171
مشاركة Re: بتتذكروا
والله تتذكرو ايام البوظة الي بالكياس كان يعملوه ويحطوها بالكيلس :) :) :) :) :)

او كان يحطوها بالكاسات الصغيرة ويجكو فيا عصاية

احلى ايام والله عالاقل كنا صغار وما كنا نفهم شي :cry: :cry: :cry: :cry:

_________________
sarena kurd


الأحد أكتوبر 10, 2010 11:47 pm
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الأربعاء نوفمبر 07, 2007 12:33 pm
مشاركات: 1876
مكان: Germany, Damascus
مشاركة Re: بتتذكروا
عنجد كلما بقرأ موضوعك برجع سنين لورى وبتذكر
كتير شغلات كانت احلى من هلاء
الله ع ايام - بابار فيل خرطومه طويل - بسيط وسريعة - حكايات عالمية
Jwan كتب:
بتتذكروا…لما نشيل الطراريح والشراشف ونعملهن خيم …أو ناخذ المخدات الكبيرة ونعملهن بيوت. :roll:

:mrgreen: :mrgreen: :mrgreen: :mrgreen:
كنا صغار والله كان احلى من هلاء
جيل هلاء الله يسترنا منو
بيفهمو كل شي وبيعرفو كل شي بس عم ياخد الشي السلبي
جيل نت و ديجيتال

_________________
اذا أردت شيئـــآ بشــده فاتركــه يذهـــب..فـإن عـاد إليــك فهـو ملكـــك للنهــايــه
وإن لــم يعـــد فهــو لــم يكــن ملكـــك منــذ البدايــــه
[/b]
اذا كان سجني لقياك ... ومعتقلي عيناك ... وقيودي يداك ... فلتسقط الحرية .


الاثنين أكتوبر 11, 2010 10:37 am
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الاثنين أكتوبر 19, 2009 3:42 pm
مشاركات: 3373
مكان: المغرب
مشاركة Re: بتتذكروا
:roll: ياريت لو نرجع صغار مرة تانية
دمت مميزا اخي جوان تقبل مروري

_________________
ستدرك يومــــــــــــآآ بأنني كنت كالمــــــــــوت ،،، لــــــــن أتكــــــرر في حيـــاتك مرتّيــــن.
صورة


الاثنين أكتوبر 11, 2010 12:06 pm
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الأربعاء ديسمبر 09, 2009 4:31 pm
مشاركات: 3347
مشاركة Re: بتتذكروا
Jwan كتب:
بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع. :pins:

بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك. :tasfik: :!:

بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة. :arrow: :very cry:

بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة.. :tasfik: :egypt:

بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا… :evil:
يقول لك: مو رصيفكن هادا رصيف الحكومة :twisted:
كلام منطقي, ‏ويتم يمرق قدام البيت ويقول لك مادخلك. :hummer:

بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن. :nishnko:

بتتذكروا…لما نشيل الطراريح والشراشف ونعملهن خيم …أو ناخذ المخدات الكبيرة ونعملهن بيوت. :roll: :happy2:

:victory:


يا الله يا الله هدووووووووووووووول كلن كنا نساوين انا وبنات وولاد العيلة اياااااااااااااااام حلوة كانت ياااااااو :arrow:
بس حلو انه زكرتنا جوان ..يعطيييييييك الف عافية .. :oops: :oops: :oops:
تحياتي الك :) :)

_________________
قبلك حقّقت حلم الأُخريات بالتحرّر، واليوم، لا
مطلب لي غير تحقيق حلمي في البقاء عصفورة سجينة في قفص صدرك، وإبقاء دقّات
قلبي تحت أجهزة تنصّتك، وشرفات حياتي مفتوحة على رجال تحرّيك.ـرجل
مثلك؟ يا لروعة رجل مثلك......H & M .....
صورة


السبت أكتوبر 23, 2010 7:45 pm
يشاهد الملف الشخصي
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 13 مشاركة ] 


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

البحث عن:
الانتقال الى:  

Powered by phpBB © phpBB Group.
Translated by phpBBArabia

مراسلة ادارة الموقع : info@qamishlinet.com
صفحة شبكة القامشلي على الفيس بوك : facebook
المواد و التعليقات المنشورة على صفحات المنتدى تعبّر عن وجهة نظر كاتبها فقط
المنتدى لا يمثل أي جهة رسمية أو غير رسمية, حكومية أو مدنية و لا ينطق بلسان أي منظمة أو جهة.
عند نسخ ونقل مواد هذا المنتدى إلى أي فضاء انترنتي أو مطبوع يرجى وضع اسم (شبكة القامشلي) صريحاً مع وضع رابط المقال فضلاً لا أمراً.
كلمات مفتاحية:قامشلي,القامشلي,مدينة القامشلي,قامشلية,قامشلو,qamishli,qamislo,kamishli,kamislo,qamishly,kamishly