اليوم هو الثلاثاء فبراير 19, 2019 1:06 pm










إرسال موضوع جديد الرد على الموضوع  [ مشاركة واحده ] 
 أحوالنا تمام .. اهلا بكم في سوريا 
الكاتب رسالة
المشرف العام
المشرف العام
صورة العضو الشخصية

اشترك في: الجمعة نوفمبر 24, 2006 7:52 pm
مشاركات: 3922
مكان: دمشق-ألمانيا
رد مع اقتباس
مشاركة أحوالنا تمام .. اهلا بكم في سوريا
صورة


ما بعرف ليش هالعالم عم يبكي ع الشعب السوري .. وكأنو في كارثة بسوريا لا سمح الله وهالقنوات المغرضة ماعم يطلع عليها كل يوم غير الناس عم تبكي وتلطم .. وهالسياسيين والنشطاء ما عندهن غير الشكوى والألم يا لطيف يا لطيف .. وما بتشوف غير الألم والحزن عم يعتصر هالمنظمات الدولية ورؤساء دول وكبار المسؤولين صايبهن القلق يا حرام .. مع انهن لو اجو وشافو بعيونن اللي عم يصير ع الأرض ما كان صابهم لا اكتئاب ولا قلق ولا من يحزنون وما بعرف ليش ما بحكي مع حدا من برا الوطن بيسألني بلهفة وأسى, انو شلون الأوضاع والأحوال ؟

احوالنا تمام التمام .. وأحسن من هيك مننتزع .. ونظامنا مو مخلينا محتاجين شي وكل يوم عم يعطينا من هالمنح والهدايا والمفاجآت..

الناس اللي مشتهية تروح ع الجنة .. وبتحلم برضوان الله والنعيم لمقيم عم يجيها شي برميل أو طلقة و ع الجنة رايحين

واللي حابب يجاهد ويعمل لخدمة هالناس المحتاجين والتعبانين ومو لاقي وقت ولا فرصة اجتو الفرصة الذهبية ليعمل الخير ويرضي نفسه وربه سواء بالجهاد أو بالإغاثة

واللي حابب يصير إعلامي ويطلع ع التلفزيون ويسمع صوته وينشر فكره وآراءه بين هالمجتمع هادا وقتو

واللي بيته تعبان وحابب يجدده أو يلي ساكن بالعشوائيات ومو حابب هالسكنة عم يساعده أبو حافظ ويعيد التنظيم العمراني للبلد

واللي عنده العفش قديم أو مشتهي يغير الأدوات المنزلية تبعو عم يساعدوه حماة الديار ويسرقوهن ويخلصوه من هالهم

واللي مشتهي يطلع زيارة لعند قرابته بغير محافظة وصارلو زمان مو شايفن صار عنده الفرصة انو يروح ويقعد عندهن هو والعيلة ويشاركوهن السكن والأكل

واللي حابب يعمل سياحة ومو طالع بعمره لبرا البلد صارت عنده الفرصة ليشوف تركيا والأردن والعراق ولبنان ويتمتع بالمناظر الطبيعية ويتسوح بدول الجوار

واللي منغلق على نفسه أو علاقته ضعيفة بالمجتمع اللي حواليه صارتلو الفرصة ليشوف الآخرين ويقعد معهم بمجتمع الخيام الرائع ويتشارك معهن السهرات والطلعات والفوتات من خيمة لخيمة ويا عيني ع التواصل

واللي عنده مصاري مخزنة من زمان وخايف عليها من العفن أو أكل الفيران صارتلو الفرصة ليصرفها عن بكرة أبيها ويبيع دهبات مرتو و حتى يجرب رفاهية الدين ليدفع الأجار ويجيب الأكل واللبس

واللي كرهان شغله وساعات دوامه الطويلة أو حتى الدوامين صارتلو الفرصة الذهبية ليقعد بالبيت ويشوف مرتو وولاده طول اليوم

والمدارس اللي كانت عم ترهق الولاد وجيوب أهاليهن تسكرت وصارت الولاد تلعب طول اليوم وارتاحت الأهالي من المصاريف اللي بلا طعمة

وحتى يلي عاطي ضميره إجازة وبده يصير مليونير ويركب سيارة صارتلو أحلى فرصة بكل هالبيوت الفاضية والناس اللي تركتلو كل شي لتنفد بجلدا ..و ازا بدو يعيش الأكشن فيه يشتغل مع هالمشلحين ويقتل ويخطف ويشلح متل ما بده بس انو يدير باله وما يكشفه الجيش الحر

الله وكيلكن تعلمنا الإسعافات الأولية وصرنا نحكي تركي وتعلمنا نستخدم البارودة الروسية وصرنا نعرف كل أنواع السلاح وتعرفنا ع مناطق سوريا كلها وتعلمنا سياسة وطورنا مهاراتنا الفنية بالأغاني والرسم والخط بهالمظاهرات وصرنا ندير صفحات فيسبوك وتعرفنا ع الصحفيين من كل أقطار الدنيا وعشنا أحلى أيامنا بهالثورة وشو بدنا أحسن من هيك واللي مو مصدق يتفضل يشاركنا

أهلا بكم في سوريا

بقلم : تشي مندس غيفار

_________________
صورة
كل طبخة سياسية في المنطقة، أمريكا تعدها، وروسيا توقد تحتها، واوروبا تبردها، واسرائيل تأكلها، والعرب يغسلون الصحون ©


الثلاثاء ديسمبر 11, 2012 10:35 am
يشاهد الملف الشخصي
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ مشاركة واحده ] 


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

البحث عن:
الانتقال الى:  
 cron
Powered by phpBB © phpBB Group.
ترجم بواسطة phpBBArabia

مراسلة ادارة الموقع : info@qamishlinet.com
صفحة شبكة القامشلي على الفيس بوك : facebook
المواد و التعليقات المنشورة على صفحات المنتدى تعبّر عن وجهة نظر كاتبها فقط
المنتدى لا يمثل أي جهة رسمية أو غير رسمية, حكومية أو مدنية و لا ينطق بلسان أي منظمة أو جهة.
عند نسخ ونقل مواد هذا المنتدى إلى أي فضاء انترنتي أو مطبوع يرجى وضع اسم (شبكة القامشلي) صريحاً مع وضع رابط المقال فضلاً لا أمراً.
كلمات مفتاحية:قامشلي,القامشلي,مدينة القامشلي,قامشلية,قامشلو,qamishli,qamislo,kamishli,kamislo,qamishly,kamishly