اليوم هو السبت فبراير 17, 2018 11:41 pm





10 مواضيع

حلف الناتو الشيطان الملعون   ::.::   : noeeleesa    ]          العلمانية العلاج الوحيد لامن واستقرار الامم والشعوب   ::.::   : noeeleesa    ]          اشتقت لكل شي بهالمنتدى   ::.::   : طه عبدي --شراع مسافر    ]          والله اشتقنالكم   ::.::   : ابوزيد    ]          لو كانت الحروف نهراً لعبرته   ::.::   : اراس    ]          قناعة الروح   ::.::   : اراس    ]          عندما تعمل المؤسسات الصحية الانسانية متعمدة ضد الانسان لصالح   ::.::   : noeeleesa    ]          احلى الاياااام   ::.::   : صاحبة القلب القاسي    ]          عيد ياعيد باي حال ستعود ياعيد ؟   ::.::   : noeeleesa    ]          عدد ساعات الصوم خلال شهر رمضان في دول العالم   ::.::   : Jwan    ]         





إرسال موضوع جديد الرد على الموضوع  [ 6 مشاركة ] 
 يا جماعة مشان الله ايمت بدنا نصير بشر 
الكاتب رسالة
عضو سوبر
عضو سوبر
صورة العضو الشخصية

اشترك في: الجمعة يناير 02, 2009 3:52 pm
مشاركات: 1229
مكان: بعيد عن أرض الوطن
مشاركة يا جماعة مشان الله ايمت بدنا نصير بشر
يا جماعة مشان الله ايمت بدنا نصير بشر

بالفعل صار فينا متل نعيب زماننا والعيب فينا وما لزماننا عيب سوانا

الاتحاد الرياضي العام الفاشل اللي ما في بني آدم يفهم بشي اسمو كرة قدم أقال المدرب فجر في أسوأ توقيت ممكن للإقالة ونسي أنو لازم يكون عندو مدرب يحطو للمنتخب بعد فترة دوروا بالبالة ولقو

هادا الصربي اللي ما تشرفنا بمعرفة اسمو حتى وضل شهرين هربان لحد ما اكتشفو جماعتنا انو هداك المدرب شلف

قامو جابو حطو المسكين تيتا من 15 يوم اللي بدون يطالعو كل اعطال المنتخب منو ومنتخبنا كان حاسم امر اللقب بس تيتا ضيعو

يا جماعة مدرب مالو 15 يوم مدرب لو يخسر 100 \0 ما علي حق 1% ليش لأن من المنتخب اللاعبين اللي يفهمو ويفهمن هنن 5 بس يمكن مو أكتر

ويجيك مبارح شخص متل مصطفى الآغا ( وهو فرحان مفكر هالجائزة اللي عططو هيي الاهرام معناتا انو هوي فهمان بالطابة أكتر من مورينو وارسين فينغر مع بعض وبيفهم بالتكتيك ) ما بعرف بدو يدمم خف ولا يحكي جد يقولك تيتا خسر ب3 مباريات واالحكيم فاز ب3 وتيتا اللي عم يحط التشيكيلة ومن هالكلام السخيف اللي بلشو في جماعتنا اللي من قبل ما تبدا البطولة بلشو يحطو الحق عالمدرب وبلشلك بكلام الحكيم ومزاوداتو انو كان بدو يترك المنتخب بس هادا واجب وطني ومن هالكلام الفاضي اللي بدو يخدم بلدو هيك شي متل الصدقة ما لازم حدا يعرف في مو يبلش يزاود بالمحطات الاعلامية ويقسم مراجل

لك يا بني آدم ياللي ما تعرف تميز بين الجبسة والطابة (مصطفى الآغا) وانا مستعد أحلف عهشي كيف بتنتقد مدرب المنتخب قبل اسبوع من البطولة

وهوي بالأول وبالأخير مالو دخل حماقة الاتحاد الرياضي لسببين

الأول انو حطو قبل ب20 يوم من البطولة وهي فترة غير مناسبة لإعداد فريق حارات مو منتخب

التاني اذا كنتو نسيانين تيتا أول ما اجا للاتحاد كان مدرب لياقة

وبعدين الله كرمو وصار مدرب نظامي

وبعدين شو زنب تيتا اذا اللاعبين مو منسجمين المحترفين مع المحليين ولاعبين الوحدة مع الاتحاد ومع الكرامة

الزنب زنب المدربين السابقين للمنتخب مثلا سنحاريب ولؤي ما اجو من يوم مبارتنا مع الامارات بتصفيات كأس العالم سنة 2008

الا بمباراة الكويت من شي 3 شهور هدول اللاعابين مشكلة تيتا !!!!

فراس الخطيب و مصعب بلحوس وجهاد ونص لاعبين المنتخب اللي عم يقبضو رواتب محترمة مو سائلين عالمنتخب من أساسو

وهنن ببساطة لاعبين نادي هادا زنب تيتا !!!!!

قصر فترة الاعداد وقلة المكافآت أو انعداما هادا زنب تيتا !!!!



المهم انا مليت من الحكي عن هالاتحاد الفاشل وعن هاللاعبين عديمي الوطنية ببس حابب أتوقع المستقبل على اعتبارنا دخلنا عسنة جديدة وكل الناس تتوقع ضلت علي يعني بتصفيات كأس العالم 2014 راح يكون المدرب فجر ابراهيم وبدون يشيلو قبل كم يوم من مباراة حاسمة ويحطو مدرب الوحدة أو الجيش أو مدرب أي نادي تاني يكون حقق قبل كم يوم انجاز للنادي ولا تستبعدو يكون مدرب الجهاد بعد ما حقق لقب الدوري !!!!

أي وليش الاستغراب ما التاريخ علمنا ان لا مستحيل في الاتحاد الرياضي السوري وكمان ما راح نتأهل ونحط الحق عالمدرب

متل ما ساوينا مع أبو شاكر وتيتا وهيك راح نضل نساوي ليوم القيامة



بتمنى من الاتحاد الرياضي يتعلم شي اسمو اعطاء فترة للمدرب

وليش نروح لبعيد هاي اليونان جارتنا كان تصنيفا عالميا 100 وكنا 97 جابو مدرب الو اسمو بأوربا (الملك أوتو )متل ما بسمو هلا وعطو مصاري وعطو فترة اعداد وعطو اللي بدو وما انتقدو لأن كان يلعب ب15 مدافع و3 حراس وهاي جابلون بطولة ومو حيالله بطولة اليورو ليش؟!! لأن ناس عندا مخ وتعرف تفكر أنو نحن ما نفهم بالطابة فجيبولنا واحد يفهم بالطابة ويساوي اللي بدو بس بالأخير يستاهل كلمة الله يعطيك العافية

بتمنى 4 او 5 لاعبين بالمنتخب يلعبو بنص الروح اللي عم يلعب فيا سنحاريب هالشب اللي ما بيعرف يحكي عربي حتى بس في شي جواتو اسمو انتماء

بتمنى يسلموني امرون لجماعة الاتحاد الرياضي لحتى حيلون كلون للتحقيق واعمل متل ما عملت اليونان

وبالأخير خليني قول الله يعطيك العافية يا تيتا انشالله يخسر المنتخب 10\0 انا ما بلومك لأن مالك زنب بشي

وبتمنى من كل واحد يفكر حالو فهمان بالطابة يحكم عقلو قبل ما يحكيلو أي كلمة مو عرفان شو معناتا

_________________
صورة


الأربعاء يناير 05, 2011 8:30 pm
يشاهد الملف الشخصي
المشرف العام
المشرف العام
صورة العضو الشخصية

اشترك في: الجمعة نوفمبر 24, 2006 7:52 pm
مشاركات: 3917
مكان: دمشق-ألمانيا
مشاركة Re: يا جماعة مشان الله ايمت بدنا نصير بشر
ميردلي عتيق , خففلي حماس الثوري شوي :smok: عادية يازلمة لا تزعج حالك .. شو اول مرة بتشوف مقالب الاتحاد الرياضي العام

انا ابصم بالعشرة اذا فرطوا الاتحاد الرياضي العام رح يوصل منتخبنا الوطني لتصفيات كأس العالم

بسيطة ولوه , على صعيد اخر مرحبا بك بعد غياب طويل متل غياب المدرب الصربي اللي هرب

_________________
صورة
كل طبخة سياسية في المنطقة، أمريكا تعدها، وروسيا توقد تحتها، واوروبا تبردها، واسرائيل تأكلها، والعرب يغسلون الصحون ©


الأربعاء يناير 05, 2011 9:11 pm
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الجمعة يناير 02, 2009 3:52 pm
مشاركات: 1229
مكان: بعيد عن أرض الوطن
مشاركة Re: يا جماعة مشان الله ايمت بدنا نصير بشر
Jwan كتب:
ميردلي عتيق , خففلي حماس الثوري شوي :smok: عادية يازلمة لا تزعج حالك .. شو اول مرة بتشوف مقالب الاتحاد الرياضي العام

والله تعودنا بس انا اللي خلاني اكتب هالموضوع بالذات
كلام مصطفى الاغا لأن كل الناس تعرف القصص هاي كلاياتا
Jwan كتب:
على صعيد اخر مرحبا بك بعد غياب طويل متل غياب المدرب الصربي اللي هرب


والله حقك علي بس هاي ظروف خارجة عن السيطرة

_________________
صورة


الأربعاء يناير 05, 2011 9:21 pm
يشاهد الملف الشخصي
المشرف العام
المشرف العام
صورة العضو الشخصية

اشترك في: الأربعاء سبتمبر 26, 2007 1:25 pm
مشاركات: 7952
مكان: Riyadh-KSA
مشاركة Re: يا جماعة مشان الله ايمت بدنا نصير بشر
هلا بشرفك من كل عقلك عم تتابع رياضة سورية والله شي يوجع القلب
لك صحتك بالدنيا يا رجل

واحلى ميردلي والله :) :) :)

_________________
صورة


الخميس يناير 06, 2011 2:02 pm
يشاهد الملف الشخصي
المشرف العام
المشرف العام
صورة العضو الشخصية

اشترك في: الجمعة نوفمبر 24, 2006 7:52 pm
مشاركات: 3917
مكان: دمشق-ألمانيا
مشاركة Re: يا جماعة مشان الله ايمت بدنا نصير بشر
برعاية الـ mbc مصطفى الآغا وضيفه يسخران من المنتخب السوري
الوطن أونلاين
09/ 01/ 2011


لم تكن ابتسامات وضحكات "الإعلامي الرياضي" مصطفى الآغا خلال تقديمه لحلقة يوم الجمعة من برنامجه صدى الملاعب على شاشة الـ mbc مهضومة كما هي العادة..
فبعد أن ناقش وضيفيه أحداث اليوم الأول لنهائيات كأس الأمم الآسيوية وقبل أن يختم برنامجه توجه لأحد ضيفيه "ضاحكاً" وبـ "هضامة" لا يحسد عليها،
صحيح شو رأيك بالمنتخب السوري؟ :mrgreen:
فأجابه الضيف الذي وللأسف لم نعرف اسمه فلسنا من متابعي برنامج الآغا، ولكن هي الصدفة.. أجابه الضيف مشيدا بتاريخ المنتخب السوري ولاسيما في فترة الثمانينيات، متوقعا أن يحقق مفاجأة في نهائيات أمم آسيا المقامة حاليا في العاصمة القطرية الدوحة.

ومن ثم توجه الإعلامي الرياضي مصطفى الآغا الذي كان يوما معلقا رياضيا في التلفزيون السوري وربما كانت دورة ألعاب البحر المتوسط التي أقيمت في اللاذقية في العام 1987 سببا في شهرته.. توجه للضيف الآخر بالسؤال نفسه، فما كان من الضيف إلا أن "فرط ضحكا" كما يقال، قبل أن يستدرك بالقول مرت على الفريق السوري ظروف صعبة.
الحقيقة لم نعرف ما هو السبب الحقيقي لضحكات الآغا، سوى ما قاله أحد المتندرين "سنه ضحوك".. أما ضيفه فيبدو أنه كان يضحك لسن الآغا الضحوك..

_________________
صورة
كل طبخة سياسية في المنطقة، أمريكا تعدها، وروسيا توقد تحتها، واوروبا تبردها، واسرائيل تأكلها، والعرب يغسلون الصحون ©


الأحد يناير 09, 2011 8:15 pm
يشاهد الملف الشخصي
عضو سوبر
عضو سوبر
صورة العضو الشخصية

اشترك في: الجمعة يناير 02, 2009 3:52 pm
مشاركات: 1229
مكان: بعيد عن أرض الوطن
مشاركة Re: يا جماعة مشان الله ايمت بدنا نصير بشر
بوس
كان بدي احكي كلمة بس بلاها هون بالمنتدى عيب
بس اعتقد انك فهمتا واذا ما فهمتا اسأل ابو حلا
اش قصدو لميردلي تيقولك
:twisted: :twisted: :twisted: :twisted: :twisted: :twisted:

_________________
صورة


الثلاثاء يناير 11, 2011 12:56 am
يشاهد الملف الشخصي
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 6 مشاركة ] 


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى

البحث عن:
الانتقال الى:  
 cron
Powered by phpBB © phpBB Group.
Translated by phpBBArabia

مراسلة ادارة الموقع : info@qamishlinet.com
صفحة شبكة القامشلي على الفيس بوك : facebook
المواد و التعليقات المنشورة على صفحات المنتدى تعبّر عن وجهة نظر كاتبها فقط
المنتدى لا يمثل أي جهة رسمية أو غير رسمية, حكومية أو مدنية و لا ينطق بلسان أي منظمة أو جهة.
عند نسخ ونقل مواد هذا المنتدى إلى أي فضاء انترنتي أو مطبوع يرجى وضع اسم (شبكة القامشلي) صريحاً مع وضع رابط المقال فضلاً لا أمراً.
كلمات مفتاحية:قامشلي,القامشلي,مدينة القامشلي,قامشلية,قامشلو,qamishli,qamislo,kamishli,kamislo,qamishly,kamishly